Спасовски: Зад пропагандата против ЕУ и НАТО стои мала криминална група
Македонија подолг временски период е изложена на интензивна субверзвивна пропаганда дејност, поврзана со интеграциите на земјата во ЕУ и НАТО, истакна денеска министерот за внатрешни работи Оливер Спасовски.
Зад пропагандата, нагласи, стои мала криминална структура која не дејствува идеолошки, туку сака да ги реализира своите лични интереси.
Станува збор за мала и слаба група, која заради лични интереси е гласноговорник во одредена структура, а целта е во јавноста да се создаде впечаток дека во Македонија има критична маса што ќе може да ги спречи интеграциите во ЕУ и НАТО.
- Тука се користи и моќта на медиумската пропаганда. И сето тоа не се прави врз основа на идеологија, туку врз основа на криминал. Тие преку таквите процеси гледаат како да се извлечат од кривичните пријави покренати против нив или нивни блиски луѓе, нагласи министерот, одговорајќи на пратеничко прашање од Павле Богоевски.
И тактиката и тежиштето и интензитетот на таа субверзивна кампања со значителен интензитет се совпаѓа со политичкиот момент на Република Македонија, смета министерот.
МВР и другите надлежни служби во соработка со партнерските служби на РМ ја опсвервираат целата состојба во однос на евентуалните ризици за земјава, но ниту една истрага не смее да се води преку медиумите.
Премиерот Зоран Заев кон средината на месецот обелодени дека проруски бизнисмени им плаќале на учесници во протестите и дека полицијата за ваквите плаќањата дознала по приведувањето на неколку учесници во насилните протести пред Собранието минатиот месец, кога договорот со Грција влезе во собраниска процедура. Се споменуваат суми од 13 до 21 илјади долари за организирање насилни демонстрации пред референдумот.
Ново на Сител
-
Како линеарното покачување на пензиите ќе влијае врз ПИОМ?
-
Тема на денот со Љупчо Николовски, пратеник од СДСМ
-
100 дена Влада - Интеграција во ЕУ и подобрување на животниот стандард
-
Опозицијата за 100 дена Влада: Скандали, изговори и неисполнети ветувања
-
Пензионерите ги добија пензиите зголемени за 2.500 денари
-
Со средба во Прилеп пензионерите од повеќе градови од Македонија го одбележаа покачување на пензиите
-
Бизнисот разочаран, Синдикатот воздржан од 100-те дена нова Влада
-
Бактерија Стафилокока најдена во “бомбиците” кои ги јаделе децата од ОУ “Ѓорѓија Пулевски“