СП: Владата да ја исправи одлуката за додатокот од 15 илјади денари за полициските службеници
Синдикатот на полицијата (СП) бара од Владата да им додели додаток од 15 илјади денари, односно да ја исправи последната одлука со која го одби предлогот на министерот за внатрешни работи Наќе Чулев.
Според нив, со последната одлука, Владата покажало дека не ги почитува вработените во полиција, односно не го цени нивниот труд кој секојдневно е вложен при справување со коронавирусот.
– Сметаме дека вчерашната одлука е погрешна и дека ненамерно е направена, и дека на наредната седница грешката ќе биде исправена. Не заборавајте дека полицијата се справуваше со најголемиот бран во борбата против пандемијата. Сметаме дека барем останало малку траг од времето кога бевте прв човек во Министерството за внатрешни работи и веруваме дека знаете дека кои се ризиците со кои во изминатиот период се справуваат полициските службеници. Како и да е од вас произлезе паролата „Задоволна полиција, безбедни граѓани’’. Секако граѓаните се безбедни, но дали имаме задоволна полиција, време е да се запрашаме. Оваа е истата таа полиција кој вие велевте дека е професионална, порачаа од СП до премиерото Оливер Спасовски.
Големиот број на заразени полицискит службеници според СП не е заради непочитување на препораките за заштита, туку затоа што вработените во полиција секојдневно се изложени на висок ризик и контакти со голем број луѓе.
– Бараме вчерашната одлуката повторно да се преиспита и упатуваме апел, и барање до Владата, тоа е мала сума што ја заслужуваат вработените во полицијата, сумата од 15 илјади денари да им биде исплатена како морална сатисфакција за својот труд кој секојдневно го вложуваат на терен, велат од Синдикатот на полицијата.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот