Сопругот очајно бара помош: Ве молам помогнете да ја најдам мојата најсакана Снежана!
На социјалните мрежи се шири апел за помош за пронаоѓање на исчезнатата Снежана Тројачанец. Тројачанец е професорка на Факултетот за земјоделски науки и храна во Скопје, член на Катедрата за здравје и благосостојба на животните, како и член на заедницата на Хрватите во Македонија.
„Драги пријатели, Ве молам помогнете. Утрово е исчезната мојата најсакана Снежана Тројачанец. Таа е слаба, висока со прекрасни сини очи. Најверојатно е во пиџами и кафена јакна. Ве молам ако некој ја препознае, јавете“ стои во објавата.
Нејзиниот сопруг Пламен Тројачанец за Фокус има изјавено:
– Ве молам помогнете ми да ја најдам мојата сопруга и мајката на нашите синови, Снежана Тројачанец! Не знам кога излегла од дома, тоа се случило додека спиев, можеби било и во тек на ноќта, не можам со сигурност да кажам, јас забележав дека ја нема утринава кога станав, околу седум часот. Ладно е надвор, се стемнува, итно ни треба помош“.
Тој додава дека Снежана има 52 години, убава и витка жена е со сини очи, а претпоставува дека е облечена во пижами, бели со шари. Забележал дека и ја нема јакната, во кафена боја со каиш, и вели дека најверојатно ја носи на себе. На нозете имала сиви патики, со себе не носела ташна, немала мобилен телефон ниту пак било каков документ.
Сите кои што имаат било каква информација за Снежана, можат да се јават на 078 – 257 – 878 кај семејството, или пак во најблиската полициска станица.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија