Собраниска делегација предводена од претседателот Гаши, во официјална посета на Обединетото Кралство
Претседателот на Собранието, Африм Гаши, од денеска до 27 февруари ќе предводи собраниска делегација во официјална посета на Обединетото Кралство, што се реализира врз основа на официјалната покана од Сер Линдзи Хојл, спикер на Долниот дом на Парламентот на Обединетото Кралство и во соработка со Фондацијата за демократија на Вестминстер.
Во составот на делегацијата се: потпретседателот на Собранието Јован Митрески; претседателот на Пратеничката група за соработка со Парламентот на Обединетото Кралство, Никола Мицевски; заменик-координаторката на ПГ на Коалицијата Европски фронт, Арбана Пашоли и генералната секретарка на Собранието, Марина Димовска.
Согласно програмата, како што соопштија денеска од собраниската прес-служба, предвидени се средби со Сер Линдзи Хојл, спикер на Домот на пратеници на Британскиот парламент, со потенцијалните членови на Сепартиската парламентарна група за соработка со РС Македонија, со парламентарниот комесар за стандарди, Даниел Гриндберг и со претседателот на Комитетот за одбрана, Тан Деси и членовите.
Во рамки на програмата, генералната секретарка на Собранието, Марина Димовска, ќе оствари одделна средба со Том Голдсмит, генерален секретар/Clerk на Долниот дом на Британскиот парламент.
Претседателот на Собранието и делегацијата, од галеријата на спикерот на Долниот дом на Британскиот парламент, како што се наведува во соопштението, ќе ја следат седницата за пратенички прашања – прашања до Премиерот, која се одржува секоја среда.
Меѓу другите активности, во просториите на амбасадата на РС Македонија во Лондон, за претседателот на Собранието и делегацијата е организирана средба со претставници на дијаспората во Обединетото Кралство.
Претседателот Гаши и делегацијата се поканети и ќе присуствуваат на предавањето со кое Британскиот парламент го одбележува јубилејот на Советот на Европа - „Советот на Европа: 75 години и понатаму”, кое ќе се одржи во Домот на лордовите под покровителство на лорд спикерот на Домот на лордови, Лорд Мекфол од Алклуит и во присусутво на Теодорос Русопулос, претседател на Парламентарното собрание на Советот на Европа.
Ново на Сител
-
Википедија на македонски јазик достигна 150 000 статии
-
Споделувањето храна, особено слатки, ја зајакнува емоционалната врска
-
Нептун Македонија со 430.000 денари донирани на СОС Детско Село - Благодарност до клиентите за поддршката
-
Науката потврди: Појадокот со додадени ореви е полезен за мозокот и умствените способности
-
Украинскиот парламент усвои резолуција со која се потврдува легитимноста на Зеленски
-
Владата ги отфрли како шпекулации и неточни наводите на СДСМ и ДУИ за работата на МЖСПП
-
Дебранец узурпирал земјиште и противправно се стекнал со имотна корист од над четири милиони денари
-
Папата Франциск од болница одобри декрети за нови кандидати за можна канонизација