Собирни акции на Општинската организација на Црвениот крст од Куманово

Општинската организација на Црвениот крст од Куманово денеска, заедно со волонтерите, организира собирни акции за изработка на проекти.

Како што соопшти секретарот на Општинската организација Бојан Петрушевски, собирните акции се во рамки на новиот циклус од проектот за хумани вредности.

- Со новите проекти од кои едниот се однесува на изработка на кутии за прва помош во основните и средните училишта се очекува да се вклучат и младите од основните и средните училишта од Куманово, Липково и Старо Нагоричане.

Вкупно се очекува да се подготоват дваесетина кутии кои ќе содржат неопходен материјал за прва помош, а ќе бидат обучени професорите по физичко образование за давање прва помош, информира Петрушевски.

Обуката ќе ја спроведат лиценцирани доктори во просториите на куманвскиот Црвен Крст.

Вториот проект се однесува на давање помош на осумчлено семејство од општина Старо Нагоричане кое влегува во категоријата социјално ранливи.

- Граѓаните може да донираат парична помош на пунктовите поставени на градскиот плоштад, да купат рачно подготвени изработки во пресрет на Денот на жената со што ќе бидат хумани и ќе му помогнат на семејството, изјави Петрушевски.