Седна зад воланот на 97 години и направи сообраќајка: Мажот на британската кралица излезе неповреден од возилото

Принц Филип, 97-годишниот сопруг на британската кралица Елизабета Втора, доживеа сообраќајна незгода во близина на имотот Сандрингам, на истокот од Англија.

Војводата од Единбург не е повреден.

„Војводата од Единбург учествуваше во сообраќајна несреќа со друго возило. Војводата не е повреден“, соопштија од Бакингемската палата.

Принцот Филип возел „ренџ ровер“, а другото возило се превртело на страна по сударот.

Очевидец за британскиот јавен сервис изјави дека војводата по несреќата бил многу потресен.