Само едно слободно место за плејофот во Евролигата

 

 По одигрувањето на четирите синоќешни натпреври од 28. коло, остана само едно слободно место за плејофот во кошаркарската Евролига.

 

Екипата на Анадолу Ефес со победата над Фенербахче 80:77 го потврди својот пласман во четврфиналето, кое за Жалгирис е веќе недостижно иако литванскиот шампион забележа победа на гостувањето во Тел Авив кај Макаби со 93:77.

 

Армани остана закован на дното на табела по вчерашниот пораз во Милано од Панатинаикос со 63:72. Победата на Панатинаикос на гостувањето во Шпанија кај Басконија со 72:63 на грчкиот тим му носи поповолна стартна ситуација во разигрувањето.

 

За последното празно место во четвртфиналето останува да се борат Црвена Ѕвезда и Дарушафака. Белградската екипа која вечерва гостува кај отпишаната Барселона има две победи повеќе од турскиот тим кој пред својата публика вечерва го игра истанбулското дерби против Галатасарај, кој е без шанси за место во „топ 8“.

 

Кај Уникс Казан гостува актуелниот шампион московска ЦСКА, додека дербито е во Атина каде Олимпијакос го пречекува лидерот на табелата Реал Мадрид.

 

Покрај денешните четири средби, до крајот на регуларниот дел од сезоната остануваат уште две кола.

 

Табела: Реал Мадрид 20-7 (победи-порази), ЦСКА Москва 20-7, Олимпијакос 19-8, Фенербахче 17-11, Панатинаикос 17-11, Анадолу Ефес 16-12, Басконија 16-12, Црвена Звезда 15-12, Дарушафака13-14, Жалгирис 13-15, Галатасарај 10-17, Барселона 10-17, Бамберг 10-18, Макаби 10-18, Уникс Казан 7-20, Армани Милано 7-21.