Саем за вработување во Велес
Во организација на Агенцијата за вработување на Македонија денеска во холот на новата театарска зграда во Велес се одржа Саем за вработување на фирми од Вардарскиот регион.
На Саемот за вработување се претставија 20-тина фирми од Велес, Неготино и Свети Николе, чии претставници на штандви со рекламен материјал ги информираа неработените лица од Велешко за можностите за вработување. Воедно, невработените можеа да потполнат и апликација за вработување и да поднесат свое си-ви.
Саемот за враборување во Велес го отвори директорот на Агенцијата за вработување на РМ Влатко Поповски во придружба на велешкиот градоначалник Славчо Чадиев.
Во изјавата за медиумите директорот Поповски оцени дека овој настан предизвика интерес кај невработените од Велес и оти се надева дека ќе има и конкертни вработувања.
- Се надевам дека и на овој саем ќе се склучат договори за нови вработувања. Воедно денеска се отвора и новата компанија „Маркарт“ во индустриската зона Караслари каде што исто така ќе има потреба од вработувања. Се надевам дека новите инвестиции во Велес ќе придонесат за нови вработувања и намалување на невработеноста, рече Поповски.
Според него, ова е одличен начин сите невработени директно да се запознаат со компаниите кои нудат работа и да остварат контакт со нив.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари