Саем за волонтерство и активно граѓанство на Град Скопје
Саем за здруженија на граѓани за волонтерство и активно граѓанство на Град Скопје денеска се одржа во Младинскиот културен центар. Голем број здруженија на граѓани имаа можност на посебни штандови да ги претстават пред јавноста и присутните своите проекти, планови, активности и заложби, како и да учествуваат во многубројните работилници.
Саемот за здруженија на граѓани за волонтерство и активно граѓанство на Град Скопје за отворен го прогласи градоначалникот на Град Скопје Коце Трајановски.
- Со поддршката на овој настан Град Скопје го потврдува своето настојување за учество во активностите со кои се промовира волонтерството и активното граѓанство, како вредности кон кои нашите граѓани треба да се стремат и да ги практикуваат. Затоа, особено ми е драго што овој пат НВО саемот не е само можност за претставување на граѓанските здруженија кои работат на територијата на Град Скопје, туку е и можност за нивно вмрежување и зајакнување на меѓусебната соработка, рече Трајановски.
Саемот за здруженија на граѓани за волонтерство и активно граѓанство на Град Скопје се организира како дел од активностите за одбележување на 5 Декември, Меѓународниот ден на волонтерството. Организатори се Здружението на граѓани „Волонтерски центар Скопје", а финансиски е поддржан од Град Скопје.
Ново на Сител
-
Маск предлага амнестија за Зеленски во замена за мирни демократски промени во Украина
-
Посебен режим на сообраќај во Скопје
-
Орбан: Јасно се гледа стратешката разлика во ЕУ по изборите во САД, некои сакаат војна, а некои мир
-
Мицкоски: Се надевам дека нашиот процес на евроинтеграции ќе биде откочен со големата поддршка од Унгарија
-
Орбан: Зачленувањето на Северна Македонија во ЕУ оди бавно, за тоа не е одговорна земјата, туку Европската Унија
-
АХВ: Во природната вода Ругове од Косово присутни бактерии
-
Уште еден случај на мачење животни - возач врзал мачка на својот автомобил | ВИДЕО
-
По инцидентите, граѓаните и студентите се собираат пред српскиот Парламент