САД воведуваат вештачка интелигенција во воената авијација
Воздухопловните сили на САД ги унапредуваат своите воздушни борбени спецификации и човекови вештини за следната генерација воени авиони. Со усвојувањето на програмата „ВЕНОМ-АФТ“, ќе им се овозможи на пилотите на „Ф-16“ да летаат со беспилотни летала, во двојки, и да собираат податоци со помош на вештачка интелигенција (ВИ).
Целта на проектот е да се развијат и тестираат ВИ-системи за интеграција и самоуправувачки системи во реални услови на лет, користејќи модифицирани „Ф-16“ авиони како платформи. Во овој проект, воените авиони ќе се користат за симулирање борбени мисии во коишто компјутерите делумно или целосно ја преземаат контролата над леталото, додека пилотот ја следи операцијата и интервенира по потреба.
Авионот „Ф-16“ е избран затоа што е еден од најраспространетите и најсигурни борбени авиони во американскиот арсенал, со голем број платформи достапни за модификација.
Проектот „ВЕНОМ“ е клучен чекор кон развојот на „концептот за колаборативен борбен авион“ (ЦЦА), според којшто беспилотни летала ќе работат заедно со авиони со екипаж во битките во иднина.
Главните задачи на „ВЕНОМ“ се тестирање напредни алгоритми за одлуки при случаи на борба, зголемување на соработката меѓу луѓето пилоти и самоуправувачките системи, како и собирање податоци со помош на ВИ.
Ново на Сител
-
Можно ли е деблокирање на спорот со Бугарија?
-
Муцунски на средба со Рубио
-
Тема на денот со Љупчо Димовски, претседател на СПМ и вицепремиер
-
Андоновски и Перински во работна посета на Естонија
-
Почна судењето за случајот„Адитив“ – ниту еден од обвинетите не чувствува вина
-
Вработени во Општата болница Прилеп осомничени дека украле над 2,2 милиони денари
-
Дали Весна Дамева смеела да гласа за нов претседател на Врховниот суд?
-
Пратенички прашања во Собранието, Трајко Славески ја превзема функцијата Гувернер на НБРМ