„Скајп“ отиде во историјата
Веќе легендарната платформа за интернет-разговор на „Мајкрософт“ - „Скајп“ (Skype) замина во историјата. Постоечките корисници на „Скајп“ ќе можат бесплатно да се префрлат на „Мајкрософт тимс“ (Microsoft Teams) користејќи ги нивните имиња и лозинки за најавување. Така, и нивните контакти и историјата на разговори ќе се префрлат на другата платформа.
Исто така, треба да се напомене дека корисниците имаат рок до јануари 2026 година да ги префлат своите податоци, по што тие ќе бидат избришани.
„Ја поедноставуваме нашата понуда за бесплатна комуникација за подобро да се прилагодиме на потребите на нашите корисници“, се вели во соопштението на Мајкрософт.
„Мајкрософт тимс“ е бесплатен, но сепак има неколку недостатоци во споредба со „Скајп“, според познавачите. Тука се групните видеоповици коишто на поновата платформа се ограничени на 60 минути, а исто така, не е достапна услугата „плаќаш колку што трошиш“ за повици, како ни СМС-пораките што се плаќаат, како што беше случајот со „Скајп кредит“.
Од своите скромни почетоци во 2003 година и неколку големи аквизиции, вклучително и купувањето од „Мајкрософт“ во 2011 година, „Скајп“ беше една од највлијателните платформи за видеоповици последниве 20-на години.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран