САД може да покренат обвиненија против руски претставници поради кибер напади
Американското Министерство за правда обезбедило сериозни докази за покренување на обвинение против шестмина руски владини претставници за вмешаност во кибер напади извршени врз компијутерите на Националниот комитет на Демократската партија за време на минатогодишните претседателски избори во САД.
Според анонимни извори на „Волстрит џурнал“, кои се запознати со истрагата, Обвинителството може делото да го предаде на суд следната година.
Федералните агенти и обвинители во Вашингтон, Филадејфија, Питсбург и Сан Франциско соработуваат во истрагата за случајот за кибер нападите во компијутерите на Националниот комитет на Демократската партија и електронската пошта на Џон Подеста, шефот на изборниот штаб на демократската кандидатка Хилари Клинтон.
Американските разузнавачки служби оценуваат дека руските разузнавачки служби се виновни за кибер нападите.
Доколку бидат покренати обвиненија ќе стане јасно кој точно стоел зад кибер нападите, оценува „Волстрит џурнал“.
Ново на Сител
-
Трендафилов: Бизнисмените се алчни и вештачки ги зголемуваат цените за да направат поголем капитал
-
Teма на денот со Атанаско Туневски
-
Пропадна аукцијата за 15% од потребите на ЕВН Хоум - ЕСМ понуди струја за 60 евра мегават час
-
Се уште се чека понудата од ЕСМ за цената на струјата
-
Законот за облигациони односи под лупа на Уставен суд
-
Мицкоски подготвен за „непријатна средба“ со Мицотакис на НАТО самитот
-
ФФМ бара казна за Албанија – На политиката не и е местото во фудбалот
-
По вежба на Криволак, почина млад војник