САД длабоко загрижени поради ситуацијата околу исчезнувањето на Навални
САД изразија длабока загриженост откако соборците на затворениот руски опозициски лидер Алексеј Навални изјавија дека ниту тие ниту неговите адвокати со денови не знаат каде е Навални.
– Длабоко сме загрижени од извештаите дека тој не се појавил наводно цела недела, и дека ниту неговите претставници или неговото семејство не знаат каде е тој, изјави Џон Кирби, портпарол на Националниот совет за безбедност.
– Тој треба да биде ослободен веднаш и воопшто не требаше да биде затворен, им рече Кирби на новинарите во текот на лет во претседателскиот авион за Филаделфија со претседателот Џо Бајден.
Тој рече дека амбасадата на САД во Москва работи на тоа да дознае повеќе за ова.
Соборците на Навални денеска истакнаа дека не можат да го лоцираат веќе шест денови, и дека најверојатно тој е преместен од затворот каде служеше 19 годишна казна по обвинувања за екстремизам.
По судска одлука летово тој беше префрлен во построга затворска колонија со „специјален режим“.
Навални беше задржан од руските власта веднаш откако слета на аеродромот во Москва во јануари 2021 година, откако се врати од лекување од Берлин, каде беше однесен по случај на негово труење.
Независна истрага утврди дека се работи за хемиско оружје од групата „новичок“ и дека во атентатот биле вовлечени специјални служби на руската Федерална служба за безбедност.
Кремљ го отфрли обвинувањето и рускиот претседател Владимир Путин во една прилика изјави дека „ако ФСБ сакала да го убие, тој досега ќе беше мртов“.
Ново на Сител
-
Точно ќе се знае за кој проект, колку пари ќе бидат наменети, вели Мицкоски за средствата што ќе им бидат дадени на општините
-
Тошковски: Нова полициска станица во oпштина Бутел, подобри услови за полициските службеници за поквалитетни услуги за граѓаните
-
Замениците министри ќе бидат познати до крајот на неделава, на владина седница утре укинување на економските директори
-
АМСМ: Од денеска до 31 август забрана за движење на тешки товарни возила при екстремно високи температури
-
Таравари: Работиме на решение за компресоприте во хируршките сали
-
УХМР: Утре нестабилно време со пороен дожд, грмежи и град
-
Владата планира разузнавачките служби да функционираат во една агенција
-
Македонскиот амбасадор во Албанија на средба со министерот Муцунски по објавените податоци од пописот