Русија ја обвини Украина дека одолговлекува со одговорот на предлогот за преговори
Кремљ денеска соопшти дека на Украина и предложи преговори во белорускиот главен град Минск, но нагласи и дека Украина во моментов одолговлекува со одговорот, откако претходно побарала средбата да се одржи во Варшава.
Портпаролот на Кремљ Дмитриј Песков изјави дека има прекин во комуникацијата, бидејќи Украинците прават „долга пауза“.
За време на паузата, украинските националисти, вели тој, распоредиле ракетни системи во поголемите градски области.
Песков не достави докази за да го поткрепи тоа тврдење, но смета дека тоа е многу опасен развој на настаните.
Украинските власти се уште не ја коментираат изјавата на портпаролот на Кремљ.
Претходно денеска Кремљ соопшти дека рускиот претседател Владимир Путин е подготвен да испрати делегација од претставници на Министерството за надворешни работи и за одбрана во белорускиот главен град Минск на разговори со претставници на Украина.
Ново на Сител
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите
-
Барањето за 450 евра минималец на првата седница на економско-социјалниот совет