Рош: До крајот на септември брз тест за коронавирусот
Швајцарската фармацевтска компанија Рош објави дека до крајот на септември на пазарот ќе пушти брз тест за откривање на коронавирус, кој ќе дава резултати за 15 минути.
Тестот за антигени на вирусот САРС-КоВ-2, што ја предизвика пандемијата на Ковид-19, од кој од крајот на декември починаа повеќе од 851.000 луѓе низ светот, ќе биде достапен во земјите што ја признаваат ознаката СЕ, задолжителна за производите што влегуваат на пазарот на Европската унија.
Рош сака да побара и итно одобрување од Американската агенција за лекови (ФДА).
– Секој месец ќе бидат достапни 40 милиони брзи тестови за САРС-CoV-2. Тој капацитет ќе се зголеми двојно до крајот на годината, со цел да се одговори на побарувачката на здравствените системи ширум светот, објави компанијата.
Пуштањето на тестот на пазарот мора да се спроведе во соработка со јужнокорејската компанија SD Biosensor Inc, која веќе располага со бројни тестови за откривање на вирусот, и со која Рош има договор за дистрибуција во светот.
Ново на Сител
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници
-
Секоја година се намалува бројот на првачиња во општините од истокот
-
Доколку продолжи деградацијата на езерото ќе исчезнат ендемичните видови