Ракометарите го играат 9.коло од плеј офот

Ракометните суперлигаши од Македонија попладнево ќе ги одиграат натпреварите од 9.коло од плејот оф. Во СЦ „Јане Сандански“ првакот Вардар е домаќин на Охрид, а почетокот на дуелот е во 17 часот. Вардар ја има фаворитската улога.

Еден час подоцна во салата „Автокоманда“ се игра натпреварот меѓу Металург и последнопласираниот на табелата Борец, додека дербито на колото ќе се одигра во салата „Младост“ во Битола каде Пелистер ја има улогата на домаќин против градскиот ривал Еурофарм Работник. Почетокот на овој дуел е во 18:30 часот.

Табела: Вардар 21 бод, Металург 21, Охрид 12, Еурофарм Работник 12, Пелистер 6, Борец 0.