Работна сесија за заштита на Охридскиот регион

Тематска тренинг сесија во рамки на проектот за интегрална заштита на културното и природното богатство на Охридскиот регион, поддржан од Унеско и ЕУ, од денеска до 10 овој месец ќе се одржува во Поградец.

Главната цел на оваа сесија е да се нотираат главните опасности и предизвици кои имаат ефекти врз состојбата на Охридското езеро и засилување на прекуграничната соработка, зајакнување на ефектите од управувањето, како и идентификување и згрижување на природното и културното наследство во Охридскиот регион.

На работната сесија ќе учествуваат претставници на министерствата за култура и за животна средина на двете држави, претставници на надлежни институции, локални самоуправи, како и на советодавните тела на УНЕСКО, IUCN и ICOMOS.