Работилница за јакнење на безбедноста на жените во урбаните јавни простори
„Право на град за сите“ е темата на регионалната конференција за промоција на зајакнување на безбедноста во урбаните јавни простори со фокус на жени и девојки што ќе се одржи денеска во Скопје.
Регионалната конференција е дел од актуелниот проект помеѓу UN Habitat Косово и UN Women – Тело на ОН за родова еднаквост и зајакнување на жените. Целта на проектот е да се зајакне правото на град за сите преку редуцирање на родовите нееднаквости во пристапот до јавниот простор и да се дадат препораки за сеопфатен пристап на политиките за развојот на јавните простори.
- Пристапот на жените и девојките кон јавниот простор е вообичаено обременет од страв за криминал или тероризирање. Уличното вознемирување и различните форми на насилство - исто како и заканувањата – се универзални прашања кои негативно влијаат на женските права за употреба на јавните простори, велат организаторите.
Воведни обраќања на регионалната конференција, како што најавуваат организаторите, треба да имаат Мила Царовска, министерка за труд и социјална политика, Љубица Јанчева, претседателка на Советот на Град Скопје, Доминика Стојаноска, Раководителка на UN Women – Тело на ОН за родова еднаквост и зајакнување на жените во Скопје и Гвендолин Менетрир, Раководителка на канцеларијата на UN Habitat Косово.
Ново на Сител
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари
-
Лавров: Блискиот исток е на работ на голема регионална војна