Прв меѓународен самит за фотографија и видеографија
Во Струга денеска почнува Првиот меѓународен самит за фотографија и видеографија. Преку овој голем настан од едукативен и изложбен крактер, Македонија, велат организаторите, ќе се појави на мапата на светските реномирани случувања во дигиталните уметности и бизниси.
Самитот е посветен на свадбената и портрет фотографијата. Ќе се одржува во хотелот „Дрим“ и ќе трае три дена, односно до 13 април. Збогатен е и со содржини од видео продукцијата, модната, уличната и новинарската фотографија.
Учесниците ќе имаат можност да следат предавања и работилници од врвни, меѓународно признати и докажани професионалци, практичари и теоретичари. Своите совети, искуства и пристапи ќе ги споделат Грег Момент (Полска) и Дејвид Бренот (Франција) во делот на свадбената фотографија, Димитри Усанин (Русија) во делот на свадбена и семејна фотографија, Серџо Дуарте (Португалија) и Бојан Митковски (Македонија) во делот на кинематографијата, Роџер Тан (Малезија) во делот на свадбената и портрет фотографија, Ани и Дими (Македонија) во делот на портрет и модна фотографија, Томислав Георгиев (Македонија) во делот на улична фотографија и Роберт Атанасовски (Македонија) во делот на новинарска фотоографија.
Во рамки на тридневната агенда, ќе бидат презентирани најновите технолошки и дигитални производи и достигнувања, претставени од компаниите и партнерите кои ја помагаат реализацијата на Самитот: Pix+, I-Style, Wacom, Nikon, Canon,Sony, Sigma, Smart Solution, Inter Foto, Polyesterday.
Инспиративното дружење ќе заврши со натпревар по фотографија на кој учесниците ќе можат да ги пријават и изложат своите фотографии кои ќе бидат оценувани од стручно жири, составено од говорниците и презентерите на самитот.
Зад организацијата на Првиот меѓународен самит за фотографија и видеографија во Македонија стојат „Ангеловски Фтографија” од Македонија и „Грег Момент Фотографија” од Полска.
Ново на Сител
-
Тестираните за „Птичји грип“ се негативни
-
Санкции за смртта на 14-месечното бебе
-
Почна вакцинацијата против сезонски грип – денеска термин добиле 5.700 граѓани
-
Ахмети го свика централното претседателство на ДУИ: Протестите можна точка за дебата
-
Влада: Уставните измените со одложено дејство се се уште во игра
-
Мицкоски: Сакаме да биде конструктивни но не плашат билатералните прашања
-
Италија сè уште ги признава само возачките дозволи со „Република Македонија“
-
Коцевски демантира дека вршел притисок врз обвинители