-->
-->
Продолжен рокот за барање субвенции за млеко и несилки, почнува и аплицирањето за предадено јагне
-->
По барање на фармерите продолжен е рокот за аплицирање за субвенции за произведено и предадено млеко за периодот мај – септември 2019 година, како и рокот за барање субвенции за несилките заклани во регистрирани кланични капацитети од мај до септември годинава.
Според директорот на Агенцијата, Николче Бабовски, новиот рок за доставување на барањата е 22 ноември 2019.
– Од денеска може да се поднесуваат и барањата за дополнителни директни плаќања за предадено јагне во регистриран кланичен капацитет во 2019 година. Рокот за поднесување на барањата за предадено јагне во кланичен капацитет е до 15 декември, информира Бабовски.
Сите фармери кои ги исполнуваат условите за добивање финансиска поддршка, можат да ги поднесат барањата електронски. За да се аплицира, потребно е да се најават на веб-страницата на Агенцијата.
– Сите фармери, кои имаат проблем сами да креираат/поднесат електонско барање, може да побараат помош во подрачните единици на Mинистерството за земјоделство, информира Платежната агенција.
-->
-->
-->
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје