Притвор за четворица осомничени за разбојништво, малолетникот ќе одговара во редовна постапка
По триесет денови притвор добија четворица од петте приведени и осомничени за разбојништво во август во Тетово. Петмината осомничени по вчерашното приведување попладнево биле изведени пред судија во претходна постапка кој одлучил четворицата да одат во притвор, а едниот од нив кој не е полнолетен, да му се утврдува одговорност во редовна постапка.
Четирите лица И.С.(20), А.Ш.(23), Џ.Ш.(18), А.О.(38) кои добија мерка притвор од 30 денови се спроведени за издржување на мерката во казнено поправната установа затвор-„Скопје“ во населбата Шуто Оризари, соопштија од СВР Тетово.
Петмината се сомничат за разбојништво на 9 август кога од стан во градот со закана со оружје одзеле пари, телефон и златен накит од 47 годишна жена и нејзината малолетна ќерка кои биле дома во моментот.
Вчера, исто така бил извршен претрес во куќата на А.Ш и Џ.Ш, при што била пронајдена марихуана, гасен пиштол, 2 боеви и 3 куршуми за гасен пиштол и 2 метални пендреци, информираат од СВР Тетово.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата