Предновогодишна забава во Куманово
На градскиот плоштад во Куманово денеска се одржа предновогодишна забава за најмладите. Настапија балетски студија од градот, ученици од основни училишта и лица со интелектална попреченост со перформансот „Гледај ме со срце“.
Најмладите кумановци имаа можност да ги кажат своите желби и на Дедо Мраз. Новата година им ја честиташе градоначалникот на општина Куманово Зоран Дамјановски кој им посака успех, здравје и економски просперитет.
Пред присутните се обрати и постојаниот преставник на УНДП Луиза Винтон, која годинава беше избрана за почесен граѓанин на Куманово.
- Се надеваме дека и идната година ќе поминеме доста време тука, рече Винтон.
Годинава во Куманово првпат по девет години нема да има организиран пречек на Новата година.
Покрај забавата за најмладите, на градскиот плоштад денеска се предвидени и настапи на повеќе групи и пејачи од забавната и народната музика: тамбурашкиОТ оркестар „Наши тамбураши“, „Челик бенд“, „Бисери“, Нино Величковски, Маргица Антевска, Тања Јовановска, Боби Амадеус, Мартинијан Кириловски, ХЉ бенд, Акрепат бенд, Конкрит џангл, Мандара, Фуснота и Емилија Дичковска.
Ново на Сител
-
Ново судење за убиствата на Вања и Панче - се презентираат видео снимки од домот на обвинетиот Манев
-
Безбеден град: И полициски возила со паметни камери ќе детектираат погрешно паркирање
-
21-ви февруари, Меѓународен ден на мајчиниот јазик
-
СДСМ: Зошто уште не е формиран инспекторат за употреба на македонскиот јазик?
-
Нелојална конкуренција – проблем за туристичките водичи
-
Преглед на вестите од светот
-
Обвинителката Ленче Ристоска е задоволна од одлуката на Уставен суд
-
Тема на денот со Милан Стефаноски, надворешно политички аналитичар