Повеќе скопски населби утре без струја

Дел од корисниците од булеварот „Христијан Тодоровски-Карпош“, под улица 2 утре од 8:15 до 12 часот ќе останат без струја.

Од 10 до 11 часот без струја ќе бидат дел од корисниците од улиците „Миле Поп Јордан“ и „Јуриј Гагарин“ во општина Карпош, а од 8 до 13:30 часот дел од потрошувачите од булеварот „Македонско-косовска бригада“ под населбата Топаана, од улицата „376“ и дел од населбата Топаана.

Во временскиот период од 8:30 до 11:30 часот без струја ќе бидат корисниците од улицата „Сердарот“ во населбата Драчево, а од 7:30 до 14 часот корисниците од селата Црешево и Смиљковци во општина Гази Баба.

Од 9 до 15 часот без струја ќе бидат корисниците од село Ласкарци, општина Сарај и жителите од улицата „Радишанска“-лево, дел од Бел Камен на улицата „18“ кај сервис „Зајо“ и улицата „Бутелска“ во општина Бутел.

Жителите од скопското село Бардовци, под улиците 6, 8, 10, 12 и 14 ќе бидат без струја од 9 до 14 часот. Од 12 до 13:30 часот без струја ќе бидат корисниците од село Драчево, улица „Јустинијан Први“ во општина Кисела Вода. 

Од 8:30 до 13:00 часот утре без струја ќе бидат корисниците од село Драчево, улица „Антон Димитров“ броевите 139, 141, 143, 145, 147 и 151 во општина Кисела Вода. 

РЦУК на Град Скопје информира дека прекините се поради технички зафати во електромрежата.