Пад на економијата на Еврозоната во последниот квартал од 2020 година за 2,7 отсто
Економијата во еврозоната ќе се намали за 2,7 проценти во четвртиот квартал на 2020 година во споредба со претходниот квартал, покажува студијата спроведена заедно од германскиот економски институт (ИФО), швајцарскиот КОФ и италијанскиот институт за статистика ИСТАТ.
„По наглото закрепнување во третиот квартал, економската активност повторно ќе се намали во четвртиот квартал поради воведувањето на нови ограничувачки мерки“, се вели во извештајот објавен на веб-страницата на ИСТАТ.
Студијата проценува дека економијата во еврозоната годинава треба да се намали за 7,3 проценти.
Бруто домашниот производ во еврозоната се намали во вториот квартал за 11,7 проценти во споредба со претходните три месеци, додека во периодот од јули до септември скокна за 12,5 проценти, се наведува во студијата и се истакнува дека главниот мотор закрепнувањето беше зголемена потрошувачка на домаќинствата.
За првиот квартал од 2021 година, ISTAT, IFO и KOF предвидуваат скромен раст од 0,7 проценти во споредба со последните три месеци од оваа година, но во вториот квартал од следната година, растот на економските активности треба да се забрза до три проценти.
Ново на Сител
-
Тема на денот со Васко Наумовски
-
Ристовски најавува нови критериуми за ваучер системот во спортот и строги контроли
-
Поради зголемени безбедносни мерки по нападот во Србија, гужви на ГП „Табановце“
-
Убиство како на филм во Батинци: Напаѓачите избегале со маски, дигнат е хеликоптер
-
Филипче нов лидер на СДСМ покрај бројни сомнежи за изборни злоупотреби
-
Мицкоски: Преспа е завршена работа - со Бугарија пак ќе преговараме
-
Муртезани: Уставните измени ќе се случат, алтернатива нема да има
-
МНР го повика на консултации амбасадорот во Албанија