Општина Зрновци со четири проекти за соработка со Бугарија

Општина Зрновци во рамки на прекуграничната соработка и искористување на средствата од ИПА програмата, ќе реализира четири проекти за решавање на повеќе комунални проблеми во трите населени места во општината. 

 

- Два од овие проекти се однесуваат на изградба и асфалтирање на локален пат во должина од 1 километар помеѓу населените места Мородвис и Видовиште, и реконструкција на Домот на културата во село Видовиште во вкупна вредност од 200 милиони денари. Двата проекти се во соработка со општината Бобошево од Република Бугарија, изјави Блаже Станков градоначалник на општина Зрновци.

 

Станков потенцира дека Здружението за рурален развој „Јавор“ од Зрновци потпомогнати од општината  и од бугарската општина Симитли, ќе го реализираат  проектот за изградба на полски патишта во општината во должина од 1,5 километар. Комуналното јавно претпријатие „Водна кула“ како носител на проектот и  општина „Гоце Делчев“ од бугарска страна, ќе работи на реализирањето на проектот за изградба на парк во Зрновци. 

 

Паралелно со овие активности општина Зрновци работи на изработка на урбанистички планови за населените места Зрновци, Мородвис и Видовиште со средства одобрени од Источниот плански регион.