Општина Гевгелија најави решавање на проблемот со јавните површини пред зградите
Јавните површини пред станбените згради во Гевгелија во последно време се узурпираат за поставување гаражи кои најмалку се користат за нивната намена, велат од одделението за урбанизам на општина Гевгелија и појаснуваат дека токму поради тоа граѓаните се почесто реагираат и бараат нивно отстранување.
На истата појава реагираше и територијалната противпожарна единица во Гевгелија чии што возила во случај на итни интервенции тешко се пробиваат до зградите заради непристапноста од новопоставените лимени гаражи.
Брзо решавање на проблемот од надлежните служби денеска побара градоначалникот на Гевгелија Иван Франгов, кој инсистираше во најкус рок инспекторите да извршат увид на состојбата на теренот, да го утврдат бројот на поставените гаражи и каква е нивната намена пред се поради фактот дека немаат одобрение за времени објекти.
По контролата, нагласи Франгов, општината ќе преземе соодветни мерки утврдени со закон и ќе го реши проблемот.
Ново на Сител
-
Почнува фестивалот „Ристо Шишков“ во Струмица
-
Преглед на вестите од светот
-
Тема на денот со Трајан Ангелоски, претседател на Сојуз на стопански комори
-
Ќе обезбеди ли власта мнозинство за да спречи предвремени локални избори
-
ВМРО-ДПМНЕ: Филипче пријавил поголем имот како пратеник, отколку кога бил министер
-
Се проширува пожарот во Мариово, два ер-трактори и полициски хеликоптери се неисправни
-
Ќе се замрзнуваат цените на производите ако трговците не ги поевтинат
-
Ниска цена за експропријација на земјоделско земјиште за новиот автопат Прилеп - Битола