Официјализирана Јадранската трилатералка меѓу Хрватска, Албанија и Црна Гора
Министрите за надворешни работи на Хрватска, Албанија и Црна Гора денеска во Сплит потпишаа заедничка декларација за соработка во рамките на Јадранската трилатерала, со која се поттикнува зајакнување на безбедносната и економската соработка меѓу трите држави.
- Јадранската трилатерала ја договоривме на неформален состанок во декември минатата година во Брисел, а денеска во Сплит и формално ја инаугуриравме, а таа е насочена кон зајакнување на безбедноста во Јадранско Море и Југоисточна Европа, како и зајакнување на нашите односи како три земји кои делат исти вредности, изјави хрватскиот министер за надворешни и европски работи Давор Иво Штир.
Тој додаде дека со Јадранската трилатерала се поддржуваат Албанија и Црна Гора на евроатлантскиот пат, на кој ќе им помогне Хрватска.
- Србија е набљудувач во Американско-јадранската иницијатива и јасно кажа дека не е определена за членство во НАТО. Меѓутоа, оценуваме дека е добро за стабилноста на ЈИЕ да се поттикне приближување и соработка меѓу Србија и НАТО, која не мора да биде насочена кон членство, но може да биде насочена кон прагматичен облик на соработка, наведе Штир.
Тој додаде дека Хрватска го поддржува евроатлантскиот пат на Босна и Херцеговина и изрази уверување дека Албанија и Црна Гора ќе ја поттикнат БиХ кон европската и евроатлантската интеграција.
- Геостратешки гледано Јадранската трилатерала е важна за зајакнување на безбедноста, а не конфронтација во Јадранско Море, посочи Штир.
Во Сплит денеска е одлучено Јадранската трилатерала да продолжи да се развива и на ниво на шефови на влади и држави на трите земји.
- Министрите за надворешни работи на Хрватска, Албанија и Црна Гора денеска се договорија за заеднички пристап на маргините на следниот министерски состанок на НАТО и во таа смисла ќе побараа заеднички пристап до новиот државен секретар на НАТО, истакна Штир.
Шефот на црногорската дипломатија Срѓан Дамјановиќ потсети дека неговата држава е во завршна фаза за пристапување во НАТО и оти затоа е важна поддршката од Хрватска и Албанија.
Неговиот албански колега Дитмир Бушати изјави дека ја цени помошта од Хрватска во европската интеграција на Албанија.
- Нашите три земји имаат потреба од соработка и усогласување на напорите во процесот на евроатлантските интеграции, истакна Бушати.
Ново на Сител
-
Араухо ја известил Барселона дека сака да си замине
-
Милановиќ убедлив победник во вториот круг претседателски избори во Хрватска
-
Излезни анкети: Милановиќ убедливо го победи Приморац на изборите во Хрватска
-
Волц: Во тек се подготовки за состанок меѓу Трамп и Путин
-
До крајот на денот облачно и студено време со повремени врнежи од снег, најмногу снег има на Попова Шапка
-
Тојота се движи кон целосно враќање во Формула 1
-
Седлоски: Ќе го нападнеме трофејот во Купот на Македонија
-
Мицевски и Брдаровски заминуваат од Вардар