Обама нареди знамињата да бидат спуштени на половина копје

Американскиот претседател Барак Обама денеска нареди знамињата на сите владини згради да бидат спуштени на половина копје до 12 јули во знак на почит кон петмината убиени полицајци од Далас.

– Во знак на почит кон жртвите од нападот врз полицајците, наредувам знамињата во САД да бидат спуштени на половина копје, се вели во соопштение.

Тој претходно го осуди убиството на полицајци во Далас и рече дека САД се шокирани и дека за тие напади не може да има никакво оправдување. Обама нагласи дека повеќе лица учествувале во нападот врз полицајци во Далас. зш