Премер на државната граница на Македонија со Бугарија
Екипи на Катастарот од денеска до 15 октомври годинава ќе вршат теренско снимање на тромеѓето меѓу Македонија, Србија и Бугарија, од граничен столб 72 до граничен столб 106, во должина од 70 километри, како дел од активностите за комплетирање на граничната документација помеѓу Македонија и Бугарија.
За македонско-бугарската граница, во вкупна должина од 185 километри, е изготвена целосна документација за делот од граничниот столб 50 до граничниот столб 72 во должина од 45 километри. За следната година, информираат од Катастарот, е планирано да се заврши окументацијата и за преостанатите 70 километри.
Теренските работи заедно со ортофото снимањето ќе ги извршуваат стручни лица од Агенцијата за катастар на недвижности со најсовремена ГНСС (глобален навигациски сателитски систем) опрема и користење на МАКПОС (мрежа на перманентни ГНСС станици) системот.
Активностите за премерот се согласно обврските од Спогодбата за чување, одржување, обновување и обележување на граничната линија и граничните белези на македонско - бугарската државна граница.
Предмет на премерот на државната граница е означување и прибирање просторни и описни податоци за граничните точки. При премерот на државната граница се изготвува ортофото план, а за извршениот премер на државната граница се изготвува и геодетски елаборат во кој е содржана геодетско техничката документација.
Република Македонија, потенцираат од Катастарот, е единствена од поранешните југословенски републики со решени државни граници со соседните држави. За државната граница со Република Грција граничната документација е изработена во 1987 година, а за државната граница со Република Србија и Република Косово границата е обележена и за неа е изготвена најсовремена гранична документација заклучно со 2012 година. Државната граница со Република Албанија и Република Бугарија е дефинирана, но за неа не постои гранична документација.
Ново на Сител
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември
-
Либија: Уапсен командант на милиција по убиството на криумчар на луѓе
-
Приведен криминалец баран со потерница за казна затвор од три години