-->
-->
Намалена годинашната реколта вишни во регионот на Пијанец и Малеш
-->
Годинашната реколта вишни во регионот на Пијанец и Малеш е намалена за 70 проценти од редовното годишно производство и ќе донесе род од околу 500 тони вишни.
Прични за намаленото производство на вишни во регионот кој е познат по производство на ова овошје, информира Богдан Стојановски, менаџер во најголемиот откупувач во регионот „Рудние ММ“, се пролетните мразеви кои предизвикаа уништување на вишните и намалување на родот кој достигнува некаде и до 80 проценти.
- Производството на вишни, посебно овде на истокот, е намалено како резултат на пролетните мразеви, но има добар род во централна и западна Македонија. Во секој случај е намалена бербата во однос на другите години. Ние вишната во целост ќе ја откупиме од нашите кооперанти, а рачунаме и на дел од количините од другите региони за да ги надополниме годишните квоти на преработка на вишната, рече Стојановски.
Тој додаде дека откупната цена на вишните е 18 денари за прва класа вишни и 15 денари за втора класа. Причина за ниската откупна цена е европскиот пазар каде што се пласираат вишните.
- Цената е лимитирана на 18 денари, бидејќи вишната е берзански производ и ја диктира европскиот пазар. Годинава има доста квалитетна вишна во Полска и Србија, но има и доста залихи од претходната година, посочи Стојановски.
Деновиве започна бербата на вишните, а производителите не се задоволни ниту од цената ниту од родот. Славчо Гоцевски од Делчево годинава очекува да набере само 20 тони вишни од неговите 17 хектари.
- За нас прифатлива цена е 32 денари, или 50 центи. Со оваа цена годинава не сме задоволни, препаратите се скапи, еве јас досега сум дал 300 илјади денари само за препарати. Исто така и берачите бараат по 8 денари од набрана гајба со вишни и не знам како ќе ја покриеме оваа година, рече Гоцевски.
Инаку во Малеш и Пијанец има околу 500 хектари со вишнови насади.
-->
-->
-->
Ново на Сител
-
Осумдесетгодишник од Теарце со изгореници заврши во болница откако му се запали домот
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.