Најмалку еден загинат и 40 повредени во силна експлозија во центарот на Јоханесбург
Најмалку едно лице загина, а повеќе од 40 се повредени во експлозија во централната деловна област на комерцијалната престолнина на Јужна Африка, Јоханесбург.
Властите допрва треба да ја утврдат причината за експлозијата која вчера попладне предизвика голема штета на улиците, иако првичните шпекулации укажуваа дека дошло до напукнување на гасовод.
Градски снабдувач Egoli Gas Ltd. соопшти дека е малку веројатно дека истекувањето во неговиот гасовод ја предизвикало експлозијата, бидејќи неговите системи немаат губење на притисокот.
Сепак, компанијата соопшти дека открила мало истекување на цефководите во близина на областа на експлозијата, што било резултат на експлозијата.
„Допрва треба да биде обновена струјата на трафостаницата Бри, која е најблиска до епицентарот“, изјави портпаролот на Сити Пауер, Исак Мангена во интервју за Радио 702.
При експлозијата се превртеа такси, минибуси и неколку други возила, додека една од улиците изгледаше како да е ширум отворена. Првите извештаи од местото на настанот покажаа дека неколку лица се здобиле со полесни до умерени повреди, се наведува во соопштението на Итната медицинска служба.
Ново на Сител
-
Зеленски: Ситуацијата на украинскиот фронт е „многу предизвикувачка“
-
Сто дена Влада - Мицкоски ќе ја презентира досегашната работа
-
Пензиите зголемени за 2500 денари
-
Прв академски час
-
Во Управниот суд ќе се одржи промоција на систем за аудио и видео снимање на судски расправи
-
Стејт департмент: На Украина не и треба дозвола од САД за користење сопствено оружје во напади врз Русија
-
Путин нареди регрутирање на 133.000 војници
-
Борел: На Блискиот Исток треба да замолчи оружјето, а да зборува дипломатијата