Исламот во Франција доби повелба со принципи
Францускиот совет за муслиманска вероисповед официјално ја одобри повелбата за принципите на исламот во Франција со што треба да почне големо преструктурирање на втората религија во државата, јавија француски медиуми.
По неколкунеделна внатрешна криза, лидерите на Советот се согласија за текстот на повелбата, со кој се потврдува „компатибилноста“ на муслиманската вера со секуларноста на државата и со родовата еднаквост, и се отфрла употребата на исламот како средство за постигнување политичка цели.
Таа потврда на принципите на републиката беше на барање на францускиот претседател Емануел Макрон како дел од неговата офанзива против сепаратизмот и радикалниот ислам и ќе се реализира во нацрт-закон што сега го разгледува францускиот Парламент.
Усвојувањето на Повелбата со принципи го отвори патот за формирање Национален совет на имами, кој ќе ги одобрува имамите кои проповедаат во Франција. Повелбата се спротивставува и на мешањето на странски земји во муслиманската вероисповед во Франција. Една од нејзините одредби предвидува и построги правила за странски донации над 10.000 евра.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија