Најмногу дожд во Лазарополе, најладно во Крушево

Најмногу дожд изминатово деноноќие наврнал во Лазарополе , Маврово, Дебар, Пожаране и Охрид, а најниски температури се измерени во Струмица, Прилеп, Крушево и Маврово (4 степени).

 

Времето денеска ќе биде облачно со локални врнежи од дожд, претежно во западните делови. Дува умерен, а во средниот дел на Повардарието, во Пелагонија и на североистокот повремено и засилен ветер од јужен правец. Врнежите дожд ќе се интензивираат во вечерните и ноќните часови.

 

Пообилни врнежите ќе бидат во западните делови, каде на места ќе наврнат над 35 л/м2. Врнежи од снег преку денот ќе има само на повисоките планини, а во текот на ноќта снежната граница ќе се спушти до околу 1500 м.н.в. Ќе дува засилен, на моменти силен јужен ветер (со брзина и над 90км/ч). Температурата ќе достигне од 11 до 16 степени.

 

Во Скопје ќе биде претежно облачно со повремен дожд, особено во вечерните и ноќните часови. Ќе дува засилен јужен ветер. Температурата ќе биде до 15 степени.

 

Утре наутро се уште ќе има локални врнежи, особено во јужните делови. Преку денот облачноста ќе се намали и ќе настапи преодно стабилизирање на времето, што ќе се задржи и во првиот ден од следната работна седмица.