Најмалку 120 куќи уништени во пожар во град во Чиле

Најмалку 120 куќи се уништени во пожарот што го зафатил чилеанскиот град Валпараизо, а голем дел од населението е евакуиран.

Како превентивна мерка исклучена е струјата во 90.000 домаќинства, а градоначалникот Хорхе Шарп изјави дека пожарите биле намерно предизвикани, како и дека немаат податоци за можни жртви, пренсе Би-Би-Си.

-Во овој момент екипите за вонредни ситуации се наоѓаат на терен, ги користат сите средства и за гасење од воздух и од земја, во две области на повисоките делови од градот, рече Шарп и додаде дека високите температури и силниот ветар го отежнуваат гасењето на пожарите.

Валпараизо е еден од највисоките чилеански градови и главно пристаниште на Пацификот, но и популарна туристичка дестинација.

Министерот за земјоделие Антонио Валкер изјави дека пожарникарите се борат со гасењето на пожарите.