Над 50 загинати во пожар во фабрика во Бангладеш
Спасувачките екипи денеска пронајдоа безживотни тела на 49 работници откако пожар зафати фабрика за преработка на храна во близина на Дака, главниот град на Бангладеш, со што бројот на жртвите се зголеми на 52, соопштија официјални лица и пожарникари.
– На пожарникарите им беа потребни околу 20 часа за да го изгаснат пожарот кој избувна вчера попладне во шесткатната фабрика „Hashem Food and Beverage Limited“ во сопственост на групата Саџиб, изјави пожарникарот Абдулах Ал Арефин.
Арефин истакна дека телата на 49 работници биле пронајдени на четвртиот кат во зградата, додека петтиот и шестиот кат сè уште треба да се пребаруваат.
Фабриката се наоѓа на 25 километри источно од Дака и произведувала сокови, безалкохолни пијалоци и други прехранбени производи.
Арефин нагласи дека службите за итни случаи спасиле најмалку 25 работници кои успеале да избегаат на покривот веднаш откако избувнал пожарот.
Преживеаните работници изјавиле дека вратата од просторијата, каде што се наоѓале работниците кои загинале, била заклучена со катанец од безбедносни причини, а чуварите одбиле да ја отворат без дозвола на сопственикот.
Во фабриката се наоѓале најмалку 1.000 работници во моментот кога избувнал пожарот, чија причина сè уште не е позната.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка