На Самоа досега 18 случаи на Ковид-19 од почетокот на пандемијата
Премиерката на Самоа денеска воведе 48-часовен локдаун во оваа пацифичка земја, откако 15 патници од Австралија се тестирани позитивни тестот за коронавирусот, а земјата досега има вкупно 18 случаи од почетокот на пандемијата.
Заразените патници биле меѓу 73-те кои дошле од австралискиот град Бризбејн во средата. И премиерката на Самоа Фиама, Наоми Матафа изјави дека Владата во иднина би можела привремено да ги прекине летовите од Австралија, а одложен е и планираниот лет од Нов Зеланд. Сите патници на спорниот лет, како што е соопштено, биле целосно вакцинирани и биле негативни на тест за ковид пред полетувањето. Гувернерот на соседна Американска Самоа, Леман Палепои Сиалега Мауга, издаде соопштение во кое упатува зборови на солидарност до Самоа и поддршка за премиерката. Тој исто така рече дека летовите меѓу неговата територија и Самоа се откажуваат на една недела. Американска Самоа, земја со 200.000 граѓани, исто така има 18 регистрирани случаи, од кои сите биле патници на „Хаваи Ерлајнс“ од Хонолулу.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време