Меркел ја повика Европа да се обедини пред политичките предизвици
Поранешната германска канцеларка Ангела Меркел ја повика Европа да се обедини пред политичките предизвици, јави ДПА.
Во изјава за Рајнише пост, Меркел ја истакна важноста на единството за да се избегне распадот на Европа на „пена и прашина“.
Меркел нагласи и дека миграцијата останува европска обврска која може да се реши само преку консултации со соседните земји на ЕУ.
Таа го коментираше и исходот од изборите во Германија, велејќи дека е задоволна што нејзината партија победила, но изрази загриженост за зајакнувањето на екстремната десница. Меркел истакна дека слабеењето на политичкиот центар треба да биде причина за загриженост за сите.
Поранешната германска канцеларка изрази надеж дека преговорите меѓу демохристијаните и социјалдемократите ќе доведат до формирање нова влада.
Меркел, исто така, изрази поддршка за планираното зголемување на трошоците за одбрана од двете партии кои преговараат за владејачка коалиција.
Ново на Сител
-
Aсмир Јахоски во Шутка - Судот ја прифати жалбата на обвинителството
-
Вучиќ: Ќе го уапсиме секој кој ќе предизвика нереди
-
Тема на денот со Љуљазим Фаризи, аналитичар
-
Сквернавење на гробишта
-
Мицкоски: Народот е желен за правда, затоа може да протестира против Судски
-
Уставен спремен за подготвителната седница – домашни и странски експерти ќе дадат оценка за Законот за јазици
-
Бугарија испрати политичка порака деке не е заинтересирана за железничко поврзување со Македонија
-
Политичкиот притисок врз ССМ ќе се одрази во извештајот за напредокот на Македонија