Медведев ја обвини Америка за нападот на Хамас врз Израел
Најголемиот напад на палестинските милитанти врз Израел во последниве години беше предизвикан од неуспесите на американската надворешна политика, изјави заменик-претседателот на Советот за безбедност на Русија, Дмитриј Медведев.
Медведев ја поврза Америка со акциите на луѓето од военото крило на палестинската исламска група Хамас, кои упаднаа во израелските градови и испукаа ракети од Појасот Газа.
Медведев на Телеграм напиша дека избувнувањето на конфликтот е настан што можел да се очекува.
„Конфликтот меѓу Израел и Палестина трае со децении. А САД се клучен играч таму. Наместо активно да работат на палестинско-израелското насилство, овие идиоти се инфилтрираа во нашата земја и со сите сили им помагаат на неонацистите, спротивставувајќи ги двата блиски народи“, напиша тој.
„Што може да ја спречи опседнатоста на Америка да поттикнува конфликти ширум светот? Очигледно само граѓанска војна“, додаде Медведев.
Израелскиот премиер Бенјамин Нетанјаху претходно објави дека Израел е во војна и вети дека Хамас ќе плати цена каква што никогаш досега не видел.
Медиумските извештаи наведуваат дека најмалку 40 луѓе се убиени, оградата на границата била пробиена и Израелци биле земени како заложници.
Ново на Сител
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство