Макрон: Франција на Украина ќе и испрати борбени авиони „Мираж“
Францускиот претседател Емануел Макрон синоќа соопшти дека неговата земја ќе и испрати на Украина борбени авиони „Мираж“, а француската армија ќе ги обучува украинските пилоти.
Макрон повтори дека на Украина треба да и се дозволи да користи оружје обезбедено од нејзините западни сојузници за да ги гаѓа руските воени цели и да ги „неутрализира точките од кои земјата се напаѓа“.
Украина се бори да го запре неодамнешниот руски напредок во источните региони Харков и Доњецк. Офанзивата има за цел да го искористи недостигот на муниција и војници во Киев долж линијата на фронтот од околу 1.000 километри.
Украинскиот претседател Володимир Зеленски вчера присуствуваше на комеморацијата за сојузничката инвазија на Нормандија во 1944 година со светските лидери во Франција и повторно побара дополнителна помош од Западот.
Зеленски и неговата сопруга Олена денеска ќе се сретнат со француските претставници во Париз.
Ново на Сител
-
Колку ќе загуби македонската економија во влезот на Бугарија во Шенген зоната?
-
Град Скопје обвинува: Од 15 институции надлежни за загадувањето, реагираме само ние
-
Работа и по пензионирање
-
Прилепската болница го намали долгот - Главен проблем недостатокот на кадар
-
Младите ретко пријавуваат корупциија, немаат доверба во институциите но стравуваат и од реперкусии
-
Охридското занаетчиство стагнира - Неопходна е стратегија
-
Преглед на вестите од светот
-
Тема на денот со проф. д-р Весна Мојсова Чепишевска