Макрон: Ако сакаме одржлив мир, Украинците мора да го изберат моментот кога ќе преговараат
Францускиот претседател Емануел Макрон по средбата со американскиот претседател Џо Бајден изјави дека западните сојузници не треба да ги принудуваат Украинците на компромис со Русија кој за нив би бил неприфатлив.
– Никогаш нема да ги охрабриме Украинците да направат компромис што нема да биде прифатлив за нив, одговори Макрон на прашањето за потенцијалниот крај на војната.
– Тие се толку храбри и ги бранат своите животи, својата нација и нашите принципи… Ако сакаме одржлив мир, мораме да ги почитуваме Украинците да одлучат за моментот и условите во кои ќе преговараат за нивната територија и нивната иднина, рече тој.
Францускиот претседател додаде дека сојузниците ја зголемиле економската, воената и хуманитарната помош за Украина, пренесува Си-Ен-Ен.
– Дополнително, поддршката на САД – и финансиска и во снабдувањето со воено оружје за Украина – е важна не само за нападнатата земја, туку и за пошироката Европа. За стабилноста на нашиот свет денес – затоа што ако чувствуваме дека можеме да ја напуштиме земјата и да се откажеме од целосно почитување на овие принципи, тоа значи дека нема можна стабилност на овој свет, рече Макрон.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг