Македонското општество се соочува со развиена традиција на корупција
Македонското општество се соочува со развиена традиција на корупција за чие искоренување мора прво да видиме зошто не е нормално да се плаќа дополнително за услуги од државата или за избегнување на институционалните лавиринти.
Граѓанските организации мора да учествуваат во борбата против корупцијата, да бараат транспарентност и вклучување во носење на одлуките, како и да ја искористат својата врска со граѓаните која им дава широка перспектива при адресирање на проблемите во општеството.
По повод Меѓународниот ден на борба против корупцијата, Платформата на граѓански организации за борба против корупцијата денеска во Скопје организира конференција „Заробена држава, политички, социјални и економски интереси“, на која учествуваат околу 80 претставници од граѓански организации, извршни, законодавни и судски власти, како и претставници на донаторската заедница и медиумите.
Министерот за внатрешни работи Оливер Спасовски во воведното обраќање рече дека раководството на МВР не сака и нема да дозволи уште еден скандал за злоупотреба на власта.
- Сакам да бидеме коригирани и критикувани за да може да останеме будни и за да остане Македонија на вистинскиот пат. Прв чекор е критичка мисла, која ќе даде критика, но и конструктивни забелешки и насоки, што нема да има скриени мотиви, изјави Спасовски.
Посочи дека имаат политичка волја за да ги променат старите навики, но дека тоа не е доволно и потребни се конкретни чекори.
– Наша цел е да ги чуеме граѓанските организации кои ќе бидат партнер во промените и наш коректор. Граѓаните имаат право да живеат во слободна држава, а институциите имаат обврска тоа да го обезбедат, рече Спасовски.
Лукаш Холуб од Делегацијата на Европската унија рече дека корупцијата претставува дискриминација поради што потребни се јасни и транспарентни процедури против неа.
- Луѓето мора да очекуваат и бараат повеќе од државата. Не е добро да се плаќаат екстра пари за услуги што државата треба да ги дава бесплатно, изјави Холуб.
Ново на Сител
-
НАТО и името на „координацијата за меѓународната безбедносна помош“ за Украина
-
Сончево и топло, температура до 36 степени
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи