Локализиран пожарот во околината на браната „Паљурци“ кај Богданци

Локализиран е пожарот што претпладнево ги зафати ридовите и околината на браната „Паљурци“ кај Богданци.

Пожарот се појави во близина на регионалниот пат Гевгелија-Дојран непосредно до приватниот рибник.Од ТППЕ Гевгелија информираа дека моментно пожарот е локализиран и ставен под контрола и оти сеуште не се познати причините за неговото избувнување и покрај тоа што се претпоставува дека се работи за човечки фактор.

Во локализирањето на пожарот учествуваа три противпожарни возила од Гевгелија и по едно возило од Валандово,Струмица и од Дојран како и работници од подружницата на шумско стопанство „Кожуф“ од Гевгелија.

Екипите се уште се наоѓаат на опожарениот терен заради целосно гаснење на жариштата кои поради слабиот ветер би можеле повторно да се разгорат.