Куп: Интер го елиминира лидерот во калчото

Фудбалерите на Интер, како гости, славеа над Наполи со 2:0 и се пласираа во полуфиналето на италијанскиот Куп. Интер во последните 15 минути од натпреварот успеа да го сруши лидерот во Серија А со головите на Јоветиќ и Љајиќ.

 

Црногорскиот репрезентативец, Јоветиќ, го постигна првиот гол на мечот во 74.минута, а Љајиќ го постави конечниот резултат во 92.минута. Наполи во 88.минута остана со играч помалку, откако Мертенс го доби вториот жолт картон.

 

Интер во полуфиналето ќе игра против победникот од дуелот помеѓу Лацио и Јувентус, кој на програмата е вo среда.

 

Инаку во првото полуфинале ќе играат Милан и третолигашот Алесандрија.