Кривична пријава за злоупотреба на службена положба за стружанец вработен во Управата за имотно правни работи

Советник и овластен потписник на акти, вработен во Министерство за финансии - Управа за имотно правни работи, Струга доби кривична пријава за „Злоупотреба на службена положба и овластување“ и „Несовесно работење во службата“, соопшти денеска СВР Охрид.

Лицето свесно изработувало лажни исправи и решенија за приватизација на земјиште на други лица, и со тие лажно изготвени решенија за приватизација на земјиште ја избегнувало законската процедура според која треба да ги испрати до Државното правобранителство.

Откако ќе истекол рокот за пријавување, пријавениот самоволно им втиснувал службен печат за правосилност и ги испраќал до Одделението за катастар на недвижности Струга.