Конзервативецот Берни Бендиктсон доби мандат да ја состави новата исландска Влада
Претседателот на Исланд, Гудни Јоханесон, денеска на конзервативецот Берни Бенедиктсон му го даде мандатот да ја состави новата Влада, пренесува БТА.
Партијата на независноста (ПН) на Бенедиктсон на парламентарните избори во саботата освои најмногу гласови. Партијата, меѓутоа, ќе треба да бара коалициски партнери, бидејќи освои само 21 места во 63-члениот Алтинг (еднодомен Парламент).
-Одлучив на претседателот на Партијата на независноста да му го дадам правото да ја состави Владата, поддржана од мнозинство во Парламентот, рече Јоханесон.
Досегашниот министер за финансии, амбициозниот Бенедиктсон соопшти дека ќе се сретне со претставници на шест други партии. Тој прецизира дека засега нема готови решенија.
Името на 46-годишниот Бенедиктсон се споменува во таканаречените „Панамски документи“, поврзани со криењето даноци, забележуваат француските медиуми.
Досега ПН беше во владина коалиција со либералната Прогресивна партија (ПП), потсетува ДПА. Двете партии имаа по 19 места во Парламентот.
Изборите во Исланд требаше да се одржат во април следната година. Во април годинава, меѓутоа, премиерот Сигмундур Давид Гунлаугсон од ПП поднесе оставка, откако „Панамските документи“ открија дека тој и неговата сопруга имаат офшор фирма на Британските Девствени острови. И двајцата притоа изјавија дека не извршиле ништо противзаконско.
Во новиот исландски парламент ПН го зголеми бројот на своите пратеници на 21, но оние на ПП се намалија на осум. Така, двете досега владеачки партии сега имаат вкупно 29 места во Парламентот, каде за мнозинство, меѓутоа, им се неопходни 32.
Ново на Сител
-
Претседателката на ДКСК остана без пасош и забрана за работа во Антикорупциска
-
Teма на денот со Петар Богојески, директор на Агенцијата за европски образовни програми
-
Претседателката на ДКСК остана без пасош и забрана за работа во Антикорупциска
-
Претседателката на ДКСК во Обвинителството
-
Земале мито, па изготвувале документација за наводни прегледи, контроли и извештаи за издавање инвалидска пензија и туѓа нега за лице
-
Мицкоски: Истрагата за Кочани ја води Обвинителството, не Владата, 68 лица се опфатени
-
Таравари: Ако не му требам на Мицкоски подготвен сум да одам во опозиција
-
Потешко повредените во пожарот во Kочани остануваат на лекување во странство