Кирацовски: Избран поскап понудувач за проектот „Компјутер за секое дете“
Дополнителниот заменик на министер за информатичко општество и администрација Александар Кирацовски денеска на прес-конференција рече дека дошол до сериозни индиции за вмешаност на Министерството за информатичко општество и администрација во незаконски тендери.
Според Кирацовски, за проектот „Компјутер за секое дете“ МИОА „дозволило да биде избран поскап понудувач за набавка на лаптопи за учениците, иако постоел друг понудувач, којшто понудил иста конфигурација на компјутерите“, а разликата во цена, како што рече, „е скоро 2,3 милиони евра“.
- Според тендерската документација и договорот, платени се 53.000 лаптоп компјутери за учениците, но до образовните установи се доставени 51.979, или 1.021 компјутер помалку. Тоа значи дека во нечии џебови само од платените, а неиспорачани компјутери завршиле околу 200.000 евра, рече на прес-конференција Кирацовски.
Според дополнителниот заменик на министер за информатичко општество и администрација, „едно се барало во тендерската документација за набавка на компјутерите, друго стои во одлуката за примопредавање објавена во Службен весник, а сосема трето е испорачано“. - Во тендерската документација се бараат компјутери со меморија на хард диск од 80 GB. Во објавата во Службен весник истите компјутерите имаат хард диск со меморија од 4 GB, а во реалноста, испорачаните компјутери имаат хард диск од 8 GB, наведе Кирацоски.
Ново на Сител
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк