Кинеската полиција потврди присуство на натриум цијанид во Тјанцин
Кинеската полиција првпат потврди дека во реонот на силните експлозии во градот Тјанцин има присуство на токсичен натриум цијанид.
Материјата е смртоносна при проголтување или вдишување, а при контакт со вода е лесно запалива. Полицијата го потврди присуството на хемикалијата северно од местото на експлозијата во индустриската зона на градот. Започнато е деконтаминирање на зоната со прскање на хемиски средства.
Нивото на загаденост на воздухот засега не е опасно, изјавил пензиониран службеник во градската управа за заштита на животната средина.
Во реонот денеска е спасен уште еден преживеан, кој е пронајден на 50 метри од местото на експлозијата.
Над 1.000 спасувачи работат без прекин во небезбедни услови, тврдат властите.
Во градот денеска се слушнале уште седум-осум нови експлозии, кои предизвикале пожари, а на граѓаните кои живеат во радиус од три километри им е наредено веднаш да се евакуираат.
Бројот на жртвите во инцидентот достигна 85 лица, а како исчезнати се водат 13 пожарникари и неутврден број на пристаништни работници. Повредени се 700 луѓе, од кои 30 се наоѓаат во тешка состојба.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?