Кина загрижена поради зголемената тензија на Блискиот исток

Кинеското Министерство за надворешни работи денеска изрази загриженост поради зголемените тензии на Блискиот исток, изразувајќи надеж дека ситуацијата брзо ќе се смири.

Портпаролот на Министерството, Женг Шуанг изјави дека Пекинг повикува на воздржаност кај инволвираните страни и е во постојани консултации со заинтересираните влади, и преку ОН и преку својата амбасада во Багдад.

Женг ја даде изјавата по иранскиот ракетен напад врз две американски бази во Ирак, но тоа директно не го спомена. Исто така, ги обвини САД дека со своите воени акции ги кршат човековите права во регионот.

Иран синоќа изврши ракетен напад врз две воени бази во Ирак во кои се наоѓаат американски војници, а Иранската Револуционерна гарда, која ја презеде одговорноста за нападот, соопшти дека тие „се одмазда за убиството на ирачкиот командант Касим Сулејмани“.