Кампања против германската телевизија ЦДФ за именување на логорот Аушвиц
Полските медиуми започнаа кампања на социјалните мрежи против германскиот национален телевизиски сервис ЦДФ, кој согласно одлука на полски суд требаше јавно да се извини за сторениот прекршок, именување на Аушвиц како „полски логор“.
Како што јави дописникот на МИА од Берлин, илјадници Полјаци на социјалните мрежи ја поддржуваат кампањата која има за цел да ја принуди ЦДФ да ја испочитува одлуката на судот во Полска и еден месец на својот веб сајт да објавува извинување до преживеаниот затвореник од Аушвиц, Карол Тендера кого го нарекла „преживеан од полскиот логор Аушвиц“.
Полската Влада од пред неколку години именувањето на нацистичките концентрациони логори што функционирале во Втората светска војна во Полска го прогласи за кривично дело. За време на кампањата корисниците на социјалните мрежи користат фотографии подготвени од полските медиуми со цел да ја принудат ЦДФ да ја почитува одлуката на полскиот суд.
Како одговор на кампањата, ЦДФ најави дека ќе ги блокира сите негативни коментари и корисници на својот веб сајт, кои најчесто го користат хаштагот #германскилогоринасмртта. ЦДФ тврди дека извинувањето за преживеаниот Тендера се објавува од 23 декември минатата година но тој тврди дека телевизијата објавила само линк до текстот со извинување, поради што тоа не може да се пронајде во пребарување на интернет.
Кампањата на социјалните мрежи дополнително може да ги влоши односите меѓу Берлин и Варшава откако една недела пред посетата на канцеларката Ангела Меркел на Полска, лидерот на владејачката полска партија Лех Качински изјави дека со Меркел ќе мора да се расчистат сите отворени прашања, алудирајќи на критиките од Берлин за демократските процеси кај својот прв источен сосед.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување