Камчев и Панделевски излегуваат од „Шутка“, добија мерка куќен притвор

Јордан Камчев и Цветан Панделевски осомничени во предметот „Империја“ на СЈО, излегуваат од затворот Шутка. Кривичниот совет на Апелациониот суд Скопје на двајцата им определи мерка куќен притвор.

Како што соопшти Апелациониот суд Скопје, Кривичниот совет на Апелациониот суд Скопје донесе одлуки со кои се укинува мерката притвор против обвинетите Јордан Камчев од Скопје и обвинетиот Цветан Панделевски од Скопје. Истовремено, со решение на Кривичниот совет на Апелациониот суд Скопје КСЖ-844/18 денеска година против обвинетите Камчев и Панделевски е определена мерка куќен притвор.